中華基督教會基順學校 – 陳樂曦

窩心的老師  

我有個自閉症嘅仔~陳樂曦。感恩樂曦可以係學校最後一年遇上他~伍國平副校

伍sir係一位好特別嘅老師，佢講過「每個學生有佢嘅可能性，我就陪住學生去發掘佢嘅可能 性。」

有一次我為學校話劇做義工，超過一半同學能力都較弱，唔肯郁，有些喺地上扭計，可以想像 表演有幾艱難！但伍Sir利用學生嘅特質去擔演不同角色~ 唔肯郁就做樹，鍾意趴地嘅，就做森 林內的動物。雖然整個過程好混亂，但伍Sir冇放棄同學，不斷鼓勵，肯定佢哋，令同學都能參與。我好感動！因為每位媽媽都渴望小朋友有機會上台表演。對媽媽而言，就係一個暖心行 動。對同學，就係一個肯定自己嘅機會。

我個仔能力弱，容易緊張。樂曦近年食飯出現問題，近乎需要餵飯。我告訴伍Sir我嘅擔心， 及氣餒。伍sir嘗試不同方法，加埋靜觀練習，透過放鬆心情改善食飯問題。雖然問題仍在，但 起碼樂曦不抗拒在校吃飯，已經是很大的進步。

伍Sir亦鼓勵我學習放手，學校三月份境外交流，因擔心樂曦食唔飽而不讓他參加，但伍sir鼓勵 我相信阿仔嘅能力，為免我擔心，應承照顧好樂曦，更窩心地每天WhatsApp相片，旅遊點滴， 視像俾我，令我放心。

感恩能夠遇上一位這樣窩心的老師。